بعض التعليمات الهامة بخصوص مسابقة وزارة التموين " وظيفة باحث سجل تجارى " 2022/2023
(1)
بناء على طلب السادة المتقدمين لوظيفة باحث سجل تجاري
وكمان علشان الناس التي لم تستقبل أية رسائل عن المسابقة أو غيروا أرقام تليفوناتهم.
عملنالكم لينك تقدر من خلاله تدخل تعرف حالة طلبك من قبول أو رفض وكمان تاريخ وميعاد ومكان الاختبار
كل اللي عليك بس ادخل على اللينك ده
واكتب الرقم القومي الخاص بك وهتلاقي تفاصيل رقم الطلب وتاريخ وميعاد ومكان الاختبار
- يرجى الحضور قبل موعد الاختبار المحدد بساعة على الأقل لإنهاء إجراءات سداد رسوم الاختبار والمقرره ١٠٠ جنيه فقط لمعهد نظم معلومات القوات المسلحة
- الحضور بالمظهر المناسب ولا يشترط الحضور بالملابس الرسميه.
- في حاله عدم حضور ايا من المتقدمين للوظيفة في ميعاده المحدد يمكن له الحضور في ايام التخلفات المقرره بالكشف التالي : http://www.itda.gov.eg/test.pdf
وبالتوفيق والنجاح للجميع ان شاء الله
ولمزيد من التفاصيل برجاء زيارة موقعنا الألكتروني
(2)
منشـــور هــــــام
حرصاً من جهاز تنمية التجارة الداخلية على تحقيق مبدأ الشفافية و وتكافؤ الفرص لجميع المتقدمين لوظيفة باحث سجل تجاري
في هذا المنشور تم تجميع كافة الاستفسارات المتكررة من السادة المتقدمين والرد عليها :
• عاوز تستعلم عن رقم و حالة طلبك عن طريق اللينك ده ( بوابة الحكومة الالكترونية) :
ولازم طبعاً تكون حالة الطلب بتاعك (موافقة مبدئية ) علشان تحضر الاختبار. يعني لو حالة طلبك مرفوض أو غير منطبق الشروط يبقى مينفعش تحضر الاختبار.
• قدمت في المسابقة ونسيت رقم الطلب بتاعك :
سيتم ارسال رساله SMS لأرقام التليفونات المسجلة لكل المتقدمين فيه رقم الطلب ومكان وموعد الاختبار.
طيب لو مفيش أي رسالة جاتلك على الموبايل أو تكون انت غيرت رقم تليفونك ونسيت رقم طلبك كمان :
هتبعت رسالة لـ الجهاز ع الايميل دة :
hr.tawzef@itda.gov.eg
وتكتب فيه ( برجاء الافادة عن رقم طلبي بوظيفة باحث سجل تجاري وتكتب اسمك و رقم بطاقتك )
وفيه فريق متخصص من جهاز تنمية التجارة الداخلية هيرد على رسالتك وهيبعتلك رقم الطلب الخاص بك.
• معاك رقم الطلب ومش عارف امتحانك هيكون يوم كام والساعة كام :
تقدر تعرف من الملف الموجود باللينك ده :
هتدفع كام رسوم الاختبار : 100 جنيه ( فقط مائة جنيه لا غير ) مقابل رسوم أداء الإختبار لمعهد نظم معلومات القوات المسلحة
(ولا يوجد أية رسوم أخرى مطلوبة من المتقدمين)
وطبعاً لازم تيجي قبل ميعاد الاختبار بفترة كافية ( ساعة على الأقل) علشان اجراءات سداد الرسوم هتكون بمعهد نظم المعلومات
ممكن تيجي تسدد في نفس اليوم قبل الاختبار أو تيجي في أي وقت للمعهد من الساعة 9 ص وحتى الساعة 9 م علشان متضيعش وقتك وتدخل الاختبار علطول.
• لو انت رقمك موجود ضمن الكشف المرفق وانت اصلاً غير منطبق عليك الشروط يبقي مينفعش تحضر الاختبار لأن شرط اساسي ان تدخل الاختبار الموافقة المبدئية ودي بتعرفها من موقع بوابة الحكومة الالكترونية.
• طيب انت معاك رقم الطلب وعندك موافقة مبدئية ومفيش اي رسايل جاتلك يبقي هتحضر الاختبار عادي في الميعاد المحدد ليك وزي ما قولنا قبل كده لازم تحضر قبل ميعاد الاختبار بساعة على الاقل علشان اجراءات سداد رسوم الاختبار.
• مكان الاختبار : معهد نظم معلومات القوات المسلحة التابع لوزارة الدفاع
• عنوان مقر الاختبار :
بمعهد نظم معلومات القوات المسلحة التابع لوزارة الدفاع بمدينة نصر (3 شارع احمد تيسير مدينة نصر القاهرة أمام طيبة مول )
• وده لوكيشن لمكان الاختبار:
ويهيب جهاز تنمية التجارة الداخلية السادة المتقدمين والمرشحين لوظيفة باحث سجل تجاري بعدم الانسياق وراء الشائعات ومراجعة الصفحة الرسمية لجهاز تنمية التجارة الداخلية وذلك بالمتابعة الدورية لكافة الاخبار وكل ما هوة متعلق بالاعلان عن الوظيفة وأن الاختبار يتم بمنتهى الشفافية والفرص متكافئة لكافة المتقدمين.
كما نود التأكيد على أنه لا توجد أية ماتريال او فلاشات تباع من خلال الجهاز وأن جهاز تنمية التجارة الداخلية غير مسئول عن أية بيانات يتم تداولها من خلال صفحات المواقع الاجتماعي أو مواقع أخرى بخلاف الصفحة الرسمية لجهاز تنمية التجارة الداخلية والموقع الرسمي للجهاز www.itda.gov.eg
وتمنياتنا لجميع السادة المتقدمين بالنجاح والتوفيق
