تعرف على شروط وخطوات وموعد تحويل الطلاب من مدارس التربية والتعليم الى الازهر الشريف لسنة 2023
التحويل سوف يكون بداية من يوم 8/1 وحتى يوم 8/31 والتحويل متاح من الصف الاول الابتدائي إلى خريجي الصف الثاني الإعدادي الناجحين والمنقولين للصف الثالث الإعدادي هذا العام
خطوات التحويل من التعليم العام إلى الأزهر لسنة 2023
1- ياخد أربع ورقات تحويل للأزهر من المدرسة الازهرية الراغب فى تحويل الطالب اليها ويروح المدرسة التابع لها الطالب ويملأ البيانات ويختمها من المدرسة .
2- يروح المعهد الأزهرى المراد التحويل له وياخد الموافقة على الأربع ورقات تحويل اللى معاه وأن الكثافة تسمح .
3- يروح الإدارة التعليمية التابعة لها المدرسة المراد التحويل منها ويختم الورق من هناك وولى الأمر يسيب صورة البطاقة .
4- يروح المنطقة الأزهرية ومعاه الطالب اللى عايز يحول له بالورق المختوم من الإدارة والمدرسة وكله ، وهناك هيشوفوا الطالب ويسألوه كام سؤال فى القرآن أسئلة غير تعجيزية على الإطلاق ، وبعدها بيدوله الورق مختوم من المنطقة الأزهرية .
5- بيرجع آخر حاجة على المدرسة وياخد ملف ابنه ويوديه المعهد الأزهرى .
على فكرة الخطوات دى كلها ما بتكملش ساعتين ، بس ممكن حضرتك تقسمها على يومين لو وقتك يسمح ، يوم للمدرسة وإدارتها ، ويوم للمنطقة الأزهرية وسحب الملف وتسليمه .
شروط التحويل من التربية والتعليم إلى الأزهر 2023
من شروط قبول الطلاب بالازهر الشريف ان يوجد بالمدرسة الازهرية " المعهد الازهرى" اماكن خالية للطلاب المتحولين وان يتوافق سن المتقدم من شروط وقواعد المعهد الدينى
طلب تحويل من التربية والتعليم إلى الأزهر
يتم أخذ طلب التحويل من المدرسة الازهرية الراغب الطالب التحويل اليها وبعد ذلك يكمل الخطوات الموضحه داخل الطلب من اختام وتوقيعات الموظفين المختصين
موعد التحويل من الأزهر إلى العام 2023
موعد التحويل لسنة 2023 من يوم 1-8-2023 وحتى 31-8-2023
.jpg "طلب تحويل من التربية والتعليم إلى الأزهر")